Өнөөдөр “Монгол хурандаа” нийгэмлэгээс эх орноо хайрлан хамгаалах, эх орноороо бахархах, эх оронч үзэл, хүмүүжлийг түгээн дэлгэрүүлэх, Үндэсний аюулгүй байдлыг хангах зорилгоор Дундговь аймгийн хүчний байгууллагуудад сургалт зохион байгууллаа.

“Монгол хурандаа” нийгэмлэгийн ажлын хэсгийг Засаг даргын тамгын газрын дарга Ц.Эрдэнэсүрэн болон Дундговь аймгийн тусгайлсан чиг үүрэг бүхий байгууллагуудын удирдлагууд угтан, Засаг даргын орлогч Ж.Мөнхчулуун хүлээн авч уулзсан юм.

Ажлын хэсэгт “Монгол хурандаа” нийгэмлэгийн тэргүүн, доктор, профессор Ч.Баатар, ажлын албаны орлогч, хурандаа Л.Амарсайхан, удирдах зөвлөлийн гишүүн, Онцгой байдлын хурандаа нарын салбар зөвлөлийн дарга, хурандаа Ж.Ганбаатар, удирдах зөвлөлийн гишүүн, эмэгтэй хурандаа нарын салбар клубын дарга, Монгол улсын Гавьяат хуульч, хурандаа Ц.Алтанцэцэг, Шүүхийн шийдвэр албаны хурандаа Б.Батдэлгэр, хурандаа П.Энхгэрэл, Цагдаагийн хурандаа н.Очирдорж, Хил болон дотоодын цэргийн хурандаа, Монгол улсын Соёлын тэргүүний ажилтан нЧулуун, Тагнуулын хурандаа Д.Ганболд нар ажиллаж байна.