“Иргэн төвтэй төрийн үйлчилгээний жил”-ийн хүрээнд Дундговь аймгийн Онцгой байдлын газар, Онцгой байдлын ерөнхий газрын “Иргэдийг гамшгаас хамгаалах, сургалт, арга зүйн төв”-тэй хамтран алба сурталчлах өдөрлөгийг аравдугаар сарын 7-ны өдөр Г.Чагдаржавын талбайд зохион байгууллаа.

Өдөрлөгийн нээлтийн ажиллагаанд аймгийн Засаг дарга О.Бат-Эрдэнэ, Засаг даргын орлогч Ж.Мөнхчулуун, Засаг даргын Тамгын газрын дарга Ц.Эрдэнэсүрэн, “Иргэдийг гамшгаас хамгаалах, сургалт, арга зүйн төв”-ийн дарга Г.Хүрэлбаатар, Онцгой байдлын газрын дарга М.Адъяабаатар болон албаны хүмүүс оролцсон байна.

Алба сурталчлах өдөрлөгийн үеэр явуулын сургалтын машиныг олон нийтэд танилцуулж, гал түймрийн болон газар хөдлөлтийн үед аюулаас хэрхэн сэргийлэх талаар сургалт зохион байгуулсан юм. Мөн гал түймэр унтраах, нурангид дарагдсан болон машинд дарагдсан иргэнийг аврах үзүүлэх сургалтууд болов.