Төрийн байгууллагын ажлын зохион байгуулалт, Архив, албан хэрэг хөтлөлтийн улсын үзлэгийн төв комисс Батлан хамгаалахын яамны Төрийн нарийн бичгийн дарга Х.Батбилэгээр ахлуулсан ажлын хэсэг Дундговь аймагт ажиллаж байна.
Ажлын хэсэг Дундговь аймгийн Иргэдийн төлөөлөгчдийн хурал, Засаг даргын Тамгын газар, Өндөршил, Адаацаг сумд болон Нийгмийн даатгалын хэлтэс, Боловсрол, соёл урлагийн газар, Ус, цаг уур, орчны шинжилгээний төвийн үйл ажиллагаа, архив, албан хэрэг хөтлөлттэй танилцана.
Тус үзлэгийг дөрвөн жил тутамд зохион байгуулдаг аж. Улсын үзлэгийн бэлтгэл ажлын хүрээнд аймгийн хэмжээнд урьдчилсан үзлэгийг бүх сумдад болон байгууллагуудад зохион байгуулсан юм. Өнөөдөр ажлын хэсгийн гишүүдэд Засаг даргын Тамгын газрын дарга Ц.Эрдэнэсүрэн урьдчилсан үзлэгийн талаар танилцууллаа.
