Дундговь аймгийн Засаг дарга О.Бат-Эрдэнэ аравдугаар сарын 9-ний өдөр 2019 оны улсын төсвийн хөрөнгөөр хийгдэж буй 7 ажил, орон нутгийн хөгжлийн сангийн хөрөнгөөр хийгдэж буй 2 ажил, замын сангийн хөрөнгөөр хийгдэж буй 2 ажил нийт 11 төрлийн бүтээн байгуулалтын ажлын явцтай танилцлаа.
Үүнд улсын төсвийн хөрөнгөөр хийгдэж буй Ахмадын өргөө, 150 ортой 1-р цэцэрлэг, Цагдаагийн газрын барилга, “Говийн ирээдүй” цогцолбор сургуулийн спорт тоглоомын талбайн тохижилт, ТХДЖТ-ын барилга, аймгийн төвийн 2,8 км хатуу хучилттай авто зам, үерийн хамгаалалтын далан сувгийн барилга угсралтын ажил, орон нутгийн хөгжлийн сангийн хөрөнгөөр хийгдэж буй БНСУ-ын Гуяан хотын дэмжлэгтэйгээр хэрэгжүүлж байгаа “Аз жаргалын төгөл” 100 га ойн зурвасын усалгааг цэвэр усны төвлөрсөн системд холбох ажил, 14-р байрны пасад, замын сангийн хөрөнгөөр хийгдэж буй бага тойруугийн 4-р гудамжны гэрлэн дохио, аймгийн төвийн авто замын нөхөөсний ажлын барилга угсралтын ажилтай танилцан ажлыг эрчимжүүлэх чиглэл өгсөн юм.
