Дундговь аймгийн Техник туслалцааны барилгын 6 дугаар трестийн даргаар 25 наснаасаа эхлэн 1976-1987 онд ажиллаж байсан, Монгол улсын гавъяат барилгачин Ламжавын Шагдаррагчааг Дундговь аймгийн “Хүндэт иргэн” цолоор шагнасныг аймгийн Засаг дарга О.Бат-Эрдэнэ гардуулж баяр хүргэлээ. Л.Шагдаррагчаа шагнал хүлээж аваад талархал илэрхийлж үг хэлэхдээ “Би Дундговь аймагт арван жил ажиллаж олон сайхан нөхөдтэй болсон. Би Завхан аймгийн Идэр сумын унаган хүү хангайн хүн боловч Дундговь нутгаа хоёр дахь аймгаа гэж үзэж сэтгэл зүрхээрээ Дундговьчуудтайгаа хамт байдаг. Тиймээс ч Дундговь аймагт удирдах ажил хийж байсан хүмүүс нэгдэн “Элэгсэг дотно Дундговь” ТББ байгуулсанд миний бие үйл ажиллагааг дэмжин идэвхитэй оролцож байна, цаашдаа ч Дундговьчуудынхаа төлөө хамтарч ажиллах болно. Аймгийн “Хүндэт иргэн” гэсэн энэ хүндтэй шагналыг хүндэтгэж өргөж явах болно. Та бүхэнд хязгааргүй их баярлалаа” гэлээ.
С.ПҮРЭВСҮРЭН
