Авлигатай тэмцэх газрын Судалгаа шинжилгээний албаны дарга Ц.Шинэбаяраар ахлуулсан ажлын хэсэг энэ сарын 4-ний өдөр 2019 онд Авлигатай тэмцэх газраас аймгийн Засаг даргад ирүүлсэн зөвлөмжийн хэрэгжилттэй танилцаж, аймгийн удирдлагууд болон холбогдох мэргэжилтнүүдийг оролцуулан ярилцлага зохион байгууллаа.

Тус өдрүүдэд аймгийн Иргэдийн Төлөөлөгчдийн хурал, Засаг даргын Тамгын газарт ажиллаж, Авлигатай тэмцэх үндэсний хөтөлбөрийн хэрэгжилт, төрийн үйлчилгээний ил тод, нээлттэй байдал, өргөдөл гомдлын шийдвэрлэлт, батлагдаж буй дүрэм, журам, шийдвэрийн хэрэгжилт, орон нутгийн хөгжлийн сангийн хөрөнгийн зарцуулалт, сум хөгжүүлэх сангийн хөрөнгийн зарцуулалт, орон нутгийн өмчит хуулийн этгээдийн үйл ажиллагаа, худалдан авах ажиллагаа, Засаг даргын нөөц хөрөнгийн зарцуулалт, уул уурхай, ашигт малтмал, байгаль хамгаалал, нөхөн сэргээлт, тусгай зөвшөөрөл, хувийн ашиг сонирхлын урьдчилсан мэдүүлгийн хяналт, хувийн ашиг сонирхлын болон хөрөнгө орлогын мэдүүлгийн хяналт, хүний нөөцийн томилгоо, сул орон тоог нөхөх, ажлаас үндэслэлгүй чөлөөлөх, учирсан хохирлыг нөхөн төлүүлэх болон зөвлөмжийг хэрэгжилттэй танилцан дүн шинжилгээ хийсэн юм.