Монгол Улсын Засгийн газрын үйл ажиллагааны хөтөлбөр "Бүх нийтийн эрх зүйн боловсролын хөтөлбөр", аймгийн Засаг даргын үйл ажиллагааны хөтөлбөрийн "Иргэний эрх зүйн боловсрол" аймгийн хөтөлбөрийг иргэний нийгмийн байгууллагуудтай хамтран хэрэгжүүлэх ажлын хүрээнд орон нутгийн хөрөнгө оруулалтаар "Хууль зүйн мэдээлэл", "Авлигагүй нийгмийн төлөө хамтдаа" төслүүдийг хэрэгжүүлэхээр "Хууль тогтоомж сурталчлах өдөрлөг"-ийг "Эгэмсэг дотно Дундговь холбоо" ТББ, "Оюуны гэгээ" ТББ болон хууль хяналтын байгууллагуудтай хамтран 15 суманд зохион байгуулж байна. Өдөрлөгөөр шинэ тутам хэрэгжиж байгаа хууль тогтоомжоор иргэн, аж ахуйн нэгжийн эрх, үүрэг, хамтын ажилагаа оролцооны талаар сургалт, сурталчилгаа мэдээллийн ажлыг зохион байгуулж, тэдний эрх зүйн боловсрол, чадавхийг нэмэгдүүлнэ.
