Өнөөдөр Канад улсын MERIT төсөл, Засаг даргын Тамгын газар хамтран хэлтсийн дарга нар болон Засаг даргын эрхлэх хүрээний агентлагуудын удирдлагуудад “Гүйцэтгэлийн үнэлгээний ярилцлага хийх оролцооны арга” сэдэвт удирдах ажилтныг чадавхжуулах сургалтыг зохион байгууллаа.
Уг сургалт нь ил тод, шударга байдал дээр суурилсан гүйцэтгэлийн төлөвлөгөөний үнэлгээг хэрэгжүүлэх мэдлэг, чадварыг олгох зорилготой юм. Сургалтаар гүйцэтгэлийн үнэлгээний ярилцлагыг амжилттай өрнүүлэх орчин нөхцлийг бүрдүүлэх, зөрчилдөөн үүсэхээс сэргийлэх, мөн хүний нөөц бүрдүүлэлт, сонгон шалгаруулалт, ажлын гүйцэтгэл, сургалт хөгжил, байгууллагын соёлд гүйцэтгэлийн үнэлгээ хэрхэн нөлөөлдөг талаар авч үзэв.
Сургалтыг MERIT төслийн Техникийн зөвлөх Вилл Гау удирдан явуулж байгаа бөгөөд 30 удирдах албан тушаалтан оролцож байгаа аж.
