Энэ сарын 20-22-ны өдрүүдэд аймгийн Засаг даргын эрхлэх асуудлын хүрээний 22 агентлаг Засаг даргын 2019 оны 01 тоот захирамжийг хэрэгжүүлэх тухайн байгууллагын төлөвлөгөөний хэрэгжилт, хүний нөөцийг чадавхжуулах, тогтвор суурьшилтай ажиллуулах талаар байгууллагуудын тухайн жилийн төлөвлөгөөнд тусгагдсан зорилтын хэрэгжилт, үндсэн чиг үүргийн хүрээнд шинээр санаачилж хэрэгжүүлсэн гурван ажлын тайланг тус тус танилцуулж байна.

Өчигдөр Онцгой байдлын газар, Байгаль орчин, аялал жуулчлалын газар, Биеийн тамир, спортын газар, Боловсрол, соёл урлагийн газар, Газрын харилцаа, барилга, хот байгуулалтын газар, Гэр бүл, хүүхэд залуучуудын газар, Орон нутгийн өмчийн газар, Мэргэжлийн хяналтын газар, Нийгмийн даатгалын хэлтэс тайлангуудаа хэлэлцүүлсэн байна.

Тус хэлэлцүүлэг өнөөдөр мөн үргэлжилж байгаа бөгөөд Мал эмнэлгийн газар, Санхүүгийн хяналт аудитын алба, Стандарт хэмжил зүйн хэлтэс, Статистикийн хэлтэс, Татварын хэлтэс, Улсын бүртгэлийн хэлтэс, Ус цаг уур, орчны шинжилгээний төв, Хөдөлмөр, халамжийн үйлчилгээний газар, Хүнс, хөдөө аж ахуйн газар тайлангаа хэлэлцүүлэх юм.