Өнөөдөр Төрийн албаны Дундговь аймаг дахь салбар зөвлөл, Засаг даргын тамгын газраас сумдын Засаг дарга, төсвийн шууд захирагч нар, санхүүгийн албаныхан болон төсөвт байгууллагын нягтлан бодогчидтой цахим хурлыг зохион байгууллаа.

Хурлаар Төрийн албаны зөвлөлийн 141 дүгээр тогтоол гарсантай холбогдуулан тухайн тогтоолыг хэрэглэх аргачлал, төрийн албаны зөвлөлөөс ирсэн зөвлөмжийг танилцуулан, Удирдлагын академийн ахлах түшмэлийн мэргэшүүлэх багц цагийн хичээл дуусч байгаа талаарх мэдээллийг өгчээ. Мөн төрийн албан хаагчийн цалингийн нэгдсэн системд орохтой холбогдуулан бэлтгэл ажлыг хангах талаар, Орон нутгийн хөгжлийн сангийн хөрөнгөөр хийгдэх ажлын санхүүжилт болон цаг үеийн мэдээллээр ярилцаж, чиглэл өгсөн байна.