Улаанбаатар-Мандалговь чиглэлийн А0101, Мандалговь-Даланзадгад чиглэлийн А0202 дугаартай улсын чанартай хатуу хучилттай авто замаар уул уурхай болон ачаа тээврийн хүнд даацын авто машинууд их явж байгаагаас замын эвдрэл их гарч, иргэдийн ая тухтай, аюулгүй зорчих нөхцөл алдагдаж, 2020 оны 6-р сарын байдлаар  401 авто машинууд даац хэтрүүлсэн зөрчил гарсан. Иймээс авто пүүний хөрөнгийн асуудлыг шийдвэрлэх хүсэлтийг Зам, тээврийн хөгжлийн яам, Зам, тээврийн хөгжлийн төвд удаа дараа хандсанаар 107 сая төгрөгийн хөрөнгийн асуудлыг шийдвэрлэн Зам, тээврийн хөгжлийн төвөөс 2020 оны 6-р сарын 17-ны өдөр "Мандалговь төлбөр авах цэгт авто пүү суурилуулах" ажлын гүйцэтгэгч шалгаруулах тендерийг зарлан 2020 оны 7-р сарын 17-ны өдөр нээхээр ажиллаж байна.