Энэ сарын 20, 21-ний өдрүүдэд Дундговь аймгийн Засаг даргын Тамгын газар, Ахмадын хороо, Биеийн тамир, спортын газар, Төв халхын дуулалт жүжгийн театр, Алтан өргөө цэнгээнт бүжгийн спортын холбоо ТББ хамтран аймгийн Ахмадын спортын II наадмыг зохион байгуулж, өнөөдөр нээлтээ хийлээ.
Ахмадын спортын II наадамд Дундговь аймгийн 11 сумын 135 ахмад тамирчид оролцож, софт волейбол, граунд гольф, шатар, шагайн харваа, ширээний теннис зэрэг спортын 5 төрлөөр болон нийтийн бүжгийн 6 төрлөөр өрсөлдөж байгаа юм.
