Дундговь аймаг дахь Төрийн архиваас тус архивт хадгалагдаж байгаа баримтуудаас хосгүй үнэт баримтыг судалж, илрүүлэх ажлыг үе шаттайгаар зохион байгуулан, 16 хөмрөгийн 18 баримтын судалгаа, тодорхойлолт, дүгнэлтийг гарган хүргүүлснээр 4 хөмрөгийн 4 баримт шалгуурыг хангаж, анх удаа хосгүй үнэт баримтын гэрчилгээ авлаа. Үүнд:
Төрийн архивын 1 дүгээр хадгаламжийн сангаас
- 44-р хөмрөг, 1-р данс, 3-р хадгаламжийн нэгж буюу Аймгийн музейн Эртний гар урлал, хэв зуршлын булан,
- 11-р хөмрөг, 1-р данс, 8-р хадгаламжийн нэгж буюу Дэлгэрцогт,Цагаандэлгэр сумдаас Халх голын байлдаанд оролцсон хүмүүсийн бүртгэл
- 2-р хөмрөг, 1-р данс, 24-р хадгаламжийн нэгж буюу Гурвансайхан сумын Энх тайвны гэрээ байгуулах тухай Энх тайвны дэлхий дахины зөвлөлийн уриалгад гарын үсэг зурсан баримт
- 2-р хөмрөг, 1-р данс, 3-р хадгаламжийн нэгж буюу Гурвансайхан сумын хөдөлмөрчдөөс Солонгосын ард түмэнд тусалсан бэлэглэл, хуримтлалын данс зэрэг нь түүхийн эх сурвалжид бүртгэгдэж тус тус гэрчилгээ авчээ.
Монгол улсын хэмжээнд нийт 4 аймаг, 3 байгууллага анхлан хосгүй үнэт баримт бүртгүүлж, гэрчилгээ авч байгаа бол Дундговь аймгийн хосгүй үнэт архивын баримт нь баримтынхаа агуулгаар хамгийн эхэнд эрэмбэлэгдсэн байна.
