Монгол улсын Сангийн яам, Дэлхийн банкны хамтран хэрэгжүүлж буй “Төсөв санхүүгийн тогтвортой байдлыг бэхжүүлэх” төслийн хүрээнд энэ сарын 2, 3-ны өдрүүдэд Дундговь аймагт “Улсын секторын нягтлан бодох бүртгэлийн олон улсын стандартын мэдлэг дээшлүүлэх” хоёр өдрийн сургалтыг зохион байгууллаа.
Сургалтад Дундговь аймгийн төсөвт байгууллагын 100 санхүүгийн ажилтныг хамруулсан байна. Тус сургалтыг Сангийн яамны Нягтлан бодох бүртгэлийн газрын ахлах шинжээч, доктор Б.Болормаа, Улсын секторын нягтлан бодох бүртгэлийн олон улсын стандартын сургагч багш Б.Баатарцогт, “Төсөв санхүүгийн тогтвортой байдлыг бэхжүүлэх” төслийн ажилтан Б.Хонгорзул нар удирдан явуулав.
