Тоглоомоор дамжуулан цэцэрлэгийн насны хүүхдүүдийн оюун ухааныг тэлэх, бүтээлч сэтгэлгээ, сэтгэн бодох чадвар, бие бялдрыг хөгжүүлэх зорилгоор Дундговь аймгийн 22 цэцэрлэгт нийт 20 сая төгрөгийн өртөг бүхий стандарт, чанарын шаардлагад нийцсэн тоглоом, биеийн тамирын хэрэгслүүдийг өнөөдөр цэцэрлэгүүдийн удирдлагуудад хүлээлгэн өглөө.
Тус тоглоомуудын санхүүжилтийг Дундговь аймгийн Өлзийт суманд жонш олборлолтын чиглэлээр үйл ажиллагаа явуулдаг “Magic bridge” ХХК Ашигт малтмалын тухай хуулийн 42.1-д заасны дагуу аймаг, сум орон нутагтай байгуулсан гурван талт хамтран ажиллах гэрээний хүрээнд, нийгмийн хариуцлагаа биелүүлэн хариуцан ажилласан байна.
