Монгол улсын Засгийн газар, “Зах зээл ба бэлчээрийн удирдлагын хөгжил” төсөл, Хоршоодын холбоо хамтран “Хоршооны засаглал ба гишүүдийг идэвхжүүлэх” сургалтыг энэ сарын 10, 11-ний өдрүүдэд Дундговь аймагт зохион байгуулж байна.

Тус сургалтад “Зах зээл ба бэлчээрийн удирдлагын хөгжил” төсөл хэрэгжиж буй Эрдэнэдалай, Дэлгэрцогт, Сайхан-Овоо сумдын бүлгийн гишүүд оролцож байгаа юм. Сургалтыг Монголын үйлдвэр, үйлчилгээний хоршоодын холбооны ерөнхийлөгч С.Энхтуяа удирдан явуулж байгаа аж.

Энэхүү сургалт нь “Зах зээл ба бэлчээрийн удирдлагын хөгжил” төсөл хэрэгжиж буй Архангай, Өвөрхангай, Дундговь, Дорнод, Сүхбаатар, Хэнтий аймгуудад болж байгаа юм. Төслийн хүрээнд 40 бүлэг бүхий 300 иргэн хамрагддаг бөгөөд бүлгийн дарга нар бүлгээ түшиглэн хоршоо байгуулах зорилготойг онцоллоо.