Улсын Онцгой комиссын түр журмын дагуу 12 сарын 1-ээс Улаанбаатар хотод гацсан иргэдийг орон нутагруу нь зорчуулж эхэлсэн. Үүнтэй холбогдуулан аймгийн Онцгой комиссоос ажлын хэсэг байгуулж, түр журам гарган Улаанбаатар хотоос орон нутгийнхаа иргэдийг татан авах ажлыг зохион байгуулж байгаа юм.
Энэ хугацаанд Улаанбаатар хотоос нийтийн тээврээр 662 иргэнийг татан авч, Дундговь аймгаас 211 иргэнийг нийслэл хотруу зорчууллаа. Голомттой бүс нутгаас ирсэн иргэдийг сумдын Онцгой комиссоос халдвар, хамгаалал хийгдсэн машинаар тосон авч, гэрт нь хүргэж өгч байна. Иргэдээ татан авах ажлыг зохион байгуулахаар аймаг, сумдын Онцгой комиссын гишүүд, мэргэжлийн байгууллагын алба хаагчид, төрийн албан хаагчид тасралтгүй ажилласаар байна.
Голомттой бүс нутгаас ирсэн иргэд та бүхэн хариуцлагатай байж мэргэжлийн байгууллагуудын өгсөн зөвлөмжийг чанд сахин, гэрийн тусгаарлалтыг мөрдөнө үү.
