Аймгийн Орон нутгийг судлах музей, Төв номын сан, Төв халхын дуулалт жүжгийн театр гэсэн урлаг соёлын байгууллагуудаар аймгийн засаг дарга Ц.Мөнхбат бусад удирдлагуудын хамт очиж уулзан бүтэц бүрэлдэхүүн, тулгамдсан асуудлын талаар санал солилцон үйл ажиллагаатай нь танилцлаа.
Музейн хамт олны зүгээс түүхийн үнэ цэнэтэй үзмэр худалдан авч, баяжилт хийх, музейн шинэ барилгын зураг хийх төсөв шийдүүлэх хүсэлт тависан бол Номын сангийн зүгээс ном ариутгалын төхөөрөмж шийдүүлэх, уншлагын танхимыг чөлөөт сонголттой танхим болгох гэх мэт санал хүсэлтийг удирдлагуудад уламжилсан юм.
ТХДЖТ-ын хамт олноос “Урлагийн зөвлөл” байгуулах, нутгийн онцлог бүхий төв халх уран бүтээлийг туурвин БРЭНД болгох бодлогыг боловсруулах, Нарийн мэргэжлийн багш нар бэлтгэх уран бүтээлчдийг, анги курсээр бэлтгэх төсөл бодлого хэрэгжүүлэх, хамтран ажиллах, Дундговь аймаг байгуулагдсаны 80 жилийн ой болох гэж буйтай холбогдуулан барилгын гадна пассадны ажил болоод үзэгчдийн танхимын таазны засварын төсөв, Театрын хэрэгцээнд жижиг суудлын автомашин авах төсөвт дэмжлэг үзүүлэх, Шинэ барилгын ажлыг үргэлжүүлэн дуусгах ажлыг эрчимтэй зохион байгуулах зэрэг хүсэлтийг тавилаа.
Аймгийн удирдлагуудын зүгээс нэн тэргүүнд шинэ театрын барилга барих асуудлаар ажиллана, Соёлын яамтай болсонтой холбоотой соёлын газар, хэлтэс шинээр байгуулаад та бүхний энэ бүх асуудалд анхаарч ажиллана мөн та бүхнээс тавьж байгаа санал хүсэлтийг хаа хаанаа судлаад, цаашдын бодлого шийдвэртээ хэрэгжүүлж ажиллах болно гэдгээ илэрхийлсэн байна.