Дундговь аймгийн Засаг дарга бөгөөд Хүүхдийн төлөө аймгийн зөвлөлийн тэргүүн Ц.Мөнхбат, Засаг даргын орлогч М.Анхбаяр, Сайнцагаан сумын Засаг дарга бөгөөд Мандалговь хотын захирагч С.Бат-Оргил, Нийгмийн бодлогын хэлтсийн дарга А.Нарантуяа нар ЭМГ болон Нэгдсэн эмнэлгийн үйл ажиллагаатай танилцлаа.
Эрүүл мэндийн газар өөрийн үйл ажиллагаа, цар тахлын өнөөгийн байдлын талаар мэдээлэл хийсэн бөгөөд сүүлийн 10 жилд эхийн эндэгдэл гаргаагүй ажиллаж байгаагаа онцлоод, одоогийн цар тахлын байдалтай байгаа үед отор нүүдлээр яваа иргэдийнхээ эрүүл мэндэд анхаарч, судалгаа хийн, ажил төлөвлөн ажиллаж байгааг дурьдлаа. Мөн нарийн мэргэжлийн эмч дутагдалтай, сувилахуйн мэргэжлээр ажиллах боловсон хүчний асуудал, суманд ажиллах эмчийн нийгмийн асуудал дээр тусгайлан бодлого, шийдвэртээ тусгаж анхаарч ажиллахыг хүслээ.
Өндөршил сумын эмнэлгийн барилга, Нэгдсэн эмнэлэгт оношилгоо, эмчилгээний тоног төхөөрөмж, сум, өрхийн эмнэлгүүдэд комьпютер, амьсгалын аппарат, дотор түргэн тусламжийн автомашиныг зориулалтын болгох, эмнэлгийн халдвартай хог хаягдлыг ариутгаж хаях, устгах боломж муу зэрэг тулгамдаж байгаа асуудлуудыг удирдлагуудад уламжилсан байна.
