Дундговь аймгийн Засаг дарга бөгөөд Хүүхдийн төлөө аймгийн зөвлөлийн тэргүүн Ц.Мөнхбат, Засаг даргын орлогч М.Анхбаяр, Сайнцагаан сумын Засаг дарга бөгөөд Мандалговь хотын захирагч С.Бат-Оргил, Нийгмийн бодлогын хэлтсийн дарга А.Нарантуяа нар МСҮТ-ийн үйл ажиллагаатай танилцлаа.
Аймагт үйл ажиллагаа явуулж байгаа мэргэжлийн боловсрол олгох тус сургууль нь сургалтыг төрөлжүүлэх, хэрэгцээтэй байгаа мэргэжлээр чанартай сургах бодлого баримтлан мөн цаашид коллеж болох зорилго тавин шалгуурт нийцсэн үйл ажиллагааг хэрэгжүүлэн ажиллаж байна.
Удирдлагуудын зүгээс хөдөө аж ахуй болон барилгын чиглэлээр төрөлжсөн мэргэжил олгоод явбал өөр аймаг, орон нутгаас суралцагчид ирэх боломжтой болно. Шинэ барилга байгууламжтай, дэд бүтэцтэй, сургалт, дадлагын тоног төхөөрөмжөөр хангагдсан орчин нөхцөлөө бүрэн дүүрэн ашиглаж ажиллах нь та нарын болон бидний хамтын ажиллагаагаар дэмжигдэн явах юм. Бид бүрэн дүүрэн дэмжин ажиллана гэв.
