Аймгийн Засаг даргын 2020 оны 12 сарын 15-ны А/367 дугаар захирамжийн дагуу аймгийн Засаг даргын орлогч М.Анхбаяраар ахлуулсан дулаан үйлдвэрлэх, дулаан түгээх, дулаанаар зохицуулалттай хангах тусгай зөвшөөрөлтэй байгууллагуудын халаалтын үйл ажиллагааг хянан шалгаж, дүгнэлт гаргах ажлын хэсэг гарган ажиллаж байна.
Тус ажлын хэсгээс иргэд олон нийтийн ая тухтай амьдрах орчин нөхцөлийг бүрдүүлэх, халаалтын зуухнуудын хэвийн ажиллагааг хангуулах зорилгоор аймгийн Онцгой комиссын гишүүд батлагдсан хуваарийн дагуу өдөр бүр хяналт, шалгалт хийж байгаа юм.
Иргэд та бүхэн халаалтын зуухнууд болон халаалтын үйл ажиллагаатай холбоотой санал, гомдлоо 7059106, 99569484 дугаарын утсанд мэдэгдэнэ үү.
