Аймгийн Засаг даргын Тамгын газрын дарга Л.Доржбат төсвийн шинэ жил эхэлж байгаатай холбогдуулан 2021 оны ажлын эхний өдрүүдэд хөгжлийн бодлого, хэлтэс, албадын үйл ажиллагааг сонсож, хариуцсан ажилдаа санаачилга гарган, манлайлан ажиллах талаар үүрэг чиглэл өглөө.
Тэрээр Төрийн захиргааны удирдлагын хэлтэс, Хууль, эрх зүйн хэлтэс, Хөрөнгө оруулалт, хөгжлийн бодлого төлөвлөлтийн хэлтэс, Нийгмийн бодлогын хэлтэс, Хяналт, шинжилгээ үнэлгээ, дотоод аудитын хэлтэс, Санхүү, төрийн сангийн хэлтэс, Цэргийн штаб болон Үйлчилгээний албаны удирдлага, албан хаагчидтай уулзалт хийсэн юм.
Уулзалтаар орон нутгийн хөгжилд иргэдийн оролцоо, санал санаачилгыг хангах, бизнес эрхлэгчдийг шат шатны байгууллагууд дэмжин ажиллах, тэднийг сонсох , хуулийн хүрээнд асуудлыг шийдвэрлэх, төрийн албаны цаг ашиглалт, ёс зүйг сахих, ажлын байрны чиг үүрэг ачааллыг тэнцвэржүүлж ажиллахыг цаашдын ажлын төлөвлөгөөндөө тусган хэрэгжүүлэх шаардлагатай байгааг онцлов.
