Энэ сарын 6-ны өдөр Дундговь аймгийн Засаг даргын Тамгын газрын харьяа хэлтэс, агентлаг, сумдын Эрх бүхий албан тушаалтнуудад /ЭБАТ/ цахим сургалт хийлээ. Сургалтын эхэнд аймгийн Засаг даргын Тамгын газрын даргын үүргийг түр орлон гүйцэтгэгч Л.Доржбат, Хууль, эрх зүйн хэлтсийн дарга Б.Түвшинбаяр нар цаг үеийн асуудлаар мэдээлэл хийсэн байна.
Энэ үеэр аймгийн иргэдийн Төлөөлөгчдийн хурлын Эрх бүхий албан тушаалтан Ж.Түмэндэлгэр, аймгийн Засаг даргын Тамгын газрын Эрх бүхий албан тушаалтан С.Цэнгэлмаа нар 2020 оны ХАСХОМ-ийг бүртгэж хүлээн авахад анхаарах зарим асуудлаар эрх зүйн сургалт, ярилцлага зохион байгуулжээ.
