Өнөөдөр аймгийн удирдлагууд Иргэний Нисэхийн Ерөнхий газрын Иргэний нисэхийн үндэсний төвийн харьяа Мандалговь Нисэх буудлын үйл ажиллагаатай танилцаж ажилласан байна.
Тус буудал нь 11 хүний бүрэлдэхүүнтэйгээр ажилладаг нисэхийн зорчигч тээврийн байгууллага бөгөөд орон нутгийн нөөц аэродром учир агаарын үйлчилгээний байнгын бэлэн байдалд байдаг онцгой үүрэгтэй байгууллага юм мөн Монгол улсад олон улсын навигацын үйлчилгээ үзүүлдэг 10 төхөөрөмж байгаагаас нэг нь тус Нисэх буудал дээр байрладаг байна.
Цаашид Засгийн газрын мөрийн хөтөлбөрт жижиг оврын агаарын тээврийг хөгжүүлэх төлөвлөгөө байдагтай холбоотой бага оврын онгоцны нислэгийн үйл ажиллагаа эргэн сэргэх боломжтой болж байгаа гэдгийг тус газрын удирдлага ажилтнууд онцолж байлаа.
