Аймгийн удирдлагууд ХААН банкны төв байраар орж үйл ажиллагаатай танилцаж, сүүлийн үед авч хэрэгжүүлж байгаа зээлийн бодлого, үйлчилгээний талаар танилцаж уулзалт хийсэн бөгөөд тус банк нь 90 гаруй ажилтантай, 15 суманд салбар тооцооны төвүүдтэй ажиллаж байна.
ХААН банкны захирал Д.Ганмягмар танилцуулгандаа “Иргэдийн зээлийн тоо өндөр байсан бол одоо харилцах хадгаламж харьцангуй өссөн үзүүлэлттэй болсон. Энэ нь иргэдийн санхүүгийн боловсрол дээшилж байгаатай холбоотой. Манай банкны харилцагчидад хүрэх үйл ажиллагаа 95 хувь цахимаар хийгддэг болсон” гэж мэдээлсэн юм. Мөн ажилтнуудын зүгээс тус байгууллага дээр аймгийн удирдлагын зүгээс ажил байдалтай танилцах гэж анх удаа ирж байгаад талархаж байв.
Төрийн байгууллагууд банкны менежмент, стандарт, харилцагчийн үйлчилгээ зэрэг сайн туршлагаас төрийн үйлчилгээнд тусгах, санаа авах, суралцах шаардлагатай байгааг аймгийн Засаг дарга Ц.Мөнхбат онцлон хэллээ.
