Дундговь аймагт хэвлэл мэдээллийн чиглэлээр үйл ажиллагаа явуулж байгаа хувийн болон төрийн байгууллагын ажилтан, сэтгүүлчдийн бүрэлдэхүүнийг аймгийн удирлагууд хүлээн авч уулзсан байна.
Сэтгүүлчдийн салбарын дарга, “Дундговийн амьдрал” сонины эрхлэгч, Үйлчилгээний гавьяат ажилтан С.Пүрэвсүрэнгийн санаачлагаар нийт 13 хүн ирж уулзалтад оролцсон бөгөөд Дундговь аймаг дахь хэвлэл мэдээллийн чиглэлийн өнөөгийн байдал, тулгамдаж байгаа бэрхшээлтэй асуудал, цаашид хэрхэн хамтран ажиллах талаар санал бодлоо солилцлоо.
Аймгийн удирдлагуудын зүгээс хэвлэл мэдээллийн чиглэлийн хүмүүсийг нэгдсэн нэг баг болж ажлын төлөвлөгөө гарган танилцуул, бидний зүгээс дэмжиж хамтран ажиллахад бэлэн байна гэдгээ илэрхийлж өөрсдийн санал, зөвлөгөөнүүдийг өгсөн байна.
