Дундговь аймгийн Засаг даргын 2021 оны 02 дугаар захирамжаар энэ оныг “Бизнес эрхлэгчдийг дэмжих жил” болгон зарласантай холбогдуулан ажил, арга хэмжээ зохион байгуулах ажлын хэсгийн бүрэлдэхүүнийг аймгийн ЗДТГ-ын дарга Л.Доржбатаар ахлуулан гурван дэд салбар хэсэгтэйгээр баталж ажлын хэсгийн бүрэлдэхүүн анхны хуралаа хийсэн байна.
Ажлын хэсгийн Нарийн бичгийн дарга ХОХБТХ-ийн дарга Н.Эрдэнэ-Очир, Чиглүүлэгчээр Номадс фүүд ХХК-ны захирал Ц.Дамдин, Худалдаа, үйлчилгээний салбарын дэд ажлын хэсгийн дарга Сайнцагаан сумын Засаг дарга С.Бат-Оргил, Үйлдвэрлэлийн салбарын дэд ажлын хэсгийн дарга аймгийн ЗД-ын орлогч М.Анхбаяр, Уулзалт хэлэлцүүлэг, судалгаа, мэдээлэл зохион байгуулах ажлын дэд хэсгийн даргаар ХОХБТХ-ийн дарга Н.Эрдэнэ-Очир нар томилогдлоо.
Мөн ажлын хэсгийн бүрэлдэхүүнд аймгийн төрийн байгууллагын чиглэл бүхий мэргэжилтэнгүүд, хувийн хэвшил болон банк санхүүгийн байгууллагын удирдлагуудын төлөөллөөс оролцож байгаагаараа онцлог юм.
Ажлын хэсгийн бүрэлдэхүүн анхны хурлаараа гишүүдийхээ санал хүсэлтийг сонсож, цаашид 7 хоног бүрийн тав дахь өдөр хуралдаж байхаар болсон байна.
