Аймгийн Засаг дарга Ц.Мөнхбат, Засаг даргын орлогч М.Анхбаяр, ЗДТГ-ын дарга Л.Доржбат, Сайнцагаан сумын Засаг дарга С.Бат-Оргил нар аймгийн төвийн шинээр баригдаж байгаа цэвэрлэх байгууламжийн барилгын ажлын явцтай танилцлаа.
Монгол Улсын Засгийн газар болон Азийн хөгжлийн банкны санхүүжилттэй “Зүүн өмнөд говийн хот байгуулалт, хилийн ойролцоо суурин газруудын хөгжлийн L3713-МОН" төслийн хүрээнд Дундговь аймгийн төвд хоногт 3000 куб.метр бохир ус цэвэрлэх хүчин чадалтай биологи цэвэрлэгээний байгууламж баригдаж байна.
Барилгын ажлыг “Сайн констракшн” ХХК болон “Сан” ХХК-ийн түншлэл гүйцэтгэж байгаа бөгөөд ажлын явц 65 хувьтай, 2021 оны 9 дүгээр сарын 30-нд ашиглалтад оруулахаар төлөвлөн ажиллаж байна.
