Цахим хурлаар Ерөнхий сайд Л.Оюун-Эрдэнэ цаг үеийн асуудлаар Шадар сайд болон яамдууд, аймгийн Онцгой комиссын дарга нарт ажил сайжруулах, анхан дунд шатанд илүү хариуцлагатай байх талаар үүрэг чиглэл өгсөн байна.
Мөн цахим хурлын үеэр аймгийн Засаг дарга Ц.Мөнхбатад Шуурхай штабын дарга, Засаг даргын орлогч М.Анхбаяр сүүлийн үед Шуурхай штабын зүгээс авч хэрэгжүүлсэн ажлын талаар танилцууллаа. Засаг даргын зүгээс Улсын онцгой комиссод хандаж гарч байгаа шийдвэрийн талаар тодруулга болон аймгийн Онцгой комиссын нөөцтөй холбоотой хүсэлтээ албан бичгээр хүргүүлэх, Говь-Сүмбэр аймаг руу хийж байгаа нүүрс тээврийн автомашинуудын асуудлаар МХГ, ЦГ-ын зүгээс анхаарч ажиллах, Шуурхай штабын гишүүд хариуцсан ажилдаа анхаарч, хариуцлагаа чангаруулж ажиллахыг тус тус үүрэг чиглэл болголоо.
