Аймгийн төвд худалдан борлуулагдаж байгаа мах, махан бүтээгдэхүүн, сүү, цагаан идээнд лабораторийн шинжилгээ хийж QR код бүхий гэрчилгээ олгох ажлыг эхлүүллээ.
Ингэснээр иргэд бүтээгдэхүүн дээрх QR кодыг уншуулан аль аймаг, сумын, хэдний өдөр шинжилгээнд хамрагдсан зэрэг гарал үүслийн мэдээллийг авч эрүүл, аюулгүй хүнс хэрэглэх нөхцөл бүрдэж байна.
Мал эмнэлгийн магадлан шинжилгээний QR код бүхий гэрчилгээг мах, махан бүтээгдэхүүн, сүү, цагаан идээ худалдан борлуулдаг худалдааны төв, супермаркет, худалдааны агуулахууд заавал хэрэгжүүлж мөрдөнө.
QR код бүхий гэрчилгээ олгох ажлыг аймгийн Хүнсний захын дэргэд "Тэтум" ХХК мал эмнэлгийн магадлан шинжилгээний лаборатори хийж байна.
Хэрэглэгч та гар утсандаа “Мал эмнэлгийн гэрчилгээ” гэсэн аппликешн суулгаж бутээгдэхүүн худалдан авахдаа ашиглаарай. (Одоогоор Android үйлдлийн системтэй гар утсанд суух боломжтой)