Сайхан-Овоо сумын Онги гол дээгүүр улсын төсвийн хөрөнгөөр 1,5 тэрбум төгрөгийн өртөгтэй 54,8 метрийн урттай төмөр бетон гүүрийг улсын комисс ашиглалтад хүлээн авснаар тус голоор зорчих иргэдийн аюулгүй байдлыг хангасан, ард түмний олон жил хүсэн хүлээсэн бүтээн байгуулалт боллоо.
Эрдэнэдалай суманд Азийн хөгжлийн банкны 1.9 тэрбум төгрөгийн хөрөнгө оруулалтаар баригдаж буй цэвэрлэх байгууламжийн ажлын явцтай танилцан сумын Засаг дарга Б.Лхагвамандалтай тус байгууламжийн талаар санал солилцон цаашид анхаарах зарим асуудлын талаар Сангийн яамны төрийн нарийн бичгийн дарга С.Наранцогт гүйцэтгэгч
байгууллагатай санал солилцохоор шийдвэрлэв.
Мөн Зам тээврийн хөгжлийн яамны төрийн нарийн бичгийн дарга С.Батболд Эрдэнэдалай суманд улсын төсвийн 1.8 тэрбум төгрөгийн хөрөнгө оруулалтаар хийгдэж байгаа 2 км авто замын ажлын явцтай танилцан тус замын ажлын гүйцэтгэгч “Өлзий хутгийн наран” ХХК-ны удирдлагатай санал солилцон замын ажлын гүйцэтгэл 50 хувьтай явагдаж байгаа ч өндөржилт алдагдсан, бетон маркыг сайжруулах, цаашид ажлыг эрчимжүүлэх үүрэг өглөө.
