Стратегийн ач холбогдол бүхий Тавантолгой- Зүүнбаян чиглэлийн төмөр замын бүтээн байгуулалтын ажил дуусаж байгаатай холбогдуулан “Шинэ төмөр зам” төслөөс тус орон нутгийн төмөр замд ажиллах ажилчдыг бэлтгэж эхэллээ. Өмнөговь аймгийн Цогтцэций суманд төмөр замын Мэргэжил сургалт үйлдвэрлэлийн төв байгуулагдаж 2021-2022 оны хичээлийн жилийн элсэлтээ авч байна. Суурь болон бүрэн дунд боловсролын аль нэгийг эзэмшсэн 17-45 насны эрэгтэй, эмэгтэй элсэгчдийг хүлээн авна. Элсэгчид заавал элсэлтийн ерөнхий шалгалт өгсөн байх албагүй бөгөөд зүтгүүрийн туслах машинч, вагон үзэгч,засварчин, илчит тэрэгний засварчин, төмөр замын замчин, гагнуурчин, өртөөний жижүүр, ачаа воган хүлээлцэгч зэрэг мэргэжлийн ангиудаас сонгон элсэх боломжтой. “Шинэ төмөр зам” төслийн сургалт үйлдвэрлэлийн төв нь дадлага хийх орчин нөхцөл бүрдсэн сургалтын орчин, дотуур байртай. Суралцагч Засгийн газрын тэтгэлэгт хамрагдаж сар бүр 200.000төгрөгийн тэтгэлэг авах бөгөөд төсгөөд ажлын байраар бүрэн хангагдана. Энэ жил Дундговь аймагт анх удаа төмөр замын мэргэжлийн ангийн элсэлтийн хуваарь ирлээ.
