Авлигатай тэмцэх газрын даргын 2017 оны 10 дугаар сарын 25-ны өдрийн баталсан “Орон нутагт ажиллах удирдамж”-ийн дагуу Хяналт шалгалт, дүн шинжилгээний хэлтсийн дарга, Эрхэлсэн комиссар Х.Хашбаатараар ахлуулсан “Ажлын хэсэг – II” 2017 оны 11 дүгээр сарын 14-16 ний өдөр Дундговь аймгийн Засаг даргын тамгын газар ИТХ, хэрэгжүүлэгч агентлагууд болон Дэлгэрцогт, Сайнцагаан сумдад тус тус ажиллаж байна.
Ажлын хэсэг Дундговь аймгийн төрийн байгууллагуудын хүний нөөцийн бодлогын хэрэгжилт, албан тушаалын томилгоо, албан тушаалтны гаргасан хувийн ашиг сонирхлын болон хөрөнгө орлогын мэдүүлэг, ашиг сонирхлын зөрчилгүй гэдгээ илэрхийлсэн мэдэгдэл, төрийн үйлчилгээний өнөөгийн байдал, тухайн байгууллагад ирүүлсэн өргөдөл, гомдол, мэдээллийн тоо, тэдгээрийн агуулга, шийдвэрлэлт, төсөв, санхүү, худалдан авах ажиллагаа, Авлигатай тэмцэх үндэсний хөтөлбөрийн хэрэгжилтийн явц болон Авлигатай тэмцэх газраас хүргүүлсэн албан бичиг, мөрдөн байцаагчийн мэдэгдэл, зөвлөмжийн дагуу авч хэрэгжүүлсэн арга хэмжээ зэргийг шалган ажиллаж байна.
Энэ үеэр Гэмт хэргээс урьдчилан сэргийлэх тухай хууль, Авлигатай тэмцэх үндэсний хөтөлбөр, “Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн ажиллах журам”-ыг хэрэгжүүлэх хүрээнд аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн дэргэд “Авлигаас урьдчилан сэргийлэх Олон нийтийн дэд зөвлөл”-ийг гишүүдээр Лувсанням овогтой Лхагва,Жамьяан овогтой Мягмарсэрээжид, Гүндсамба овогтой Амарсүрэн нарыг сонгож, гэрээ байгууллаа.