Энэ оны орон нутгийн хөгжлийн сангийн хөрөнгө оруулалтаар санхүүжиж буй Гранд Старекс маркын таван автомашиныг хүлээн авч, өнөөдөр аймгийн Засаг дарга Ц.Мөнхбат хэрэгцээ шаардлага бүхий Сайнцагаан сумын “Мандал”, “Говийн ирээдүй”, Дэлгэрхангай, Сайхан-Овоо, Дэрэн сумдын ерөнхий боловсролын сургуулиудын удирдлагуудад гардууллаа.
Энэ үеэр аймгийн Засаг дарга Ц.Мөнхбат эдгээр автомашиныг хүлээлгэн өгч байгаа нь хүүхэд, багачуудыг улсын болон бүсийн чанартай уралдаан тэмцээнд оролцох боломжоор хангаж буй боловсролын салбарт хийгдэж байгаа нэн шаардлагатай хөрөнгө оруулалт гэдгийг онцолсон юм.
Тус хөрөнгө оруулалтын гүйцэтгэгч нь "Юник плайтс" ХХК бөгөөд 164.5 сая төгрөгийн төсөвт өртөгтэй аж.
