Аймгийн Засаг дарга бөгөөд аймгийн Онцгой комиссын дарга Ц.Мөнхбат Эрүүл мэндийн яаманд хүсэлт тавьсны дагуу ЭМ-ийн сайдын 9 дүгээр сарын 20-ны өдрийн тушаалаар Нийгмийн Эрүүл мэндийн Үндэсний төвийн дарга Д.Нарантуяагаар ахлуулсан ажлын хэсэг байгуулагдан 10 дугаар сарын 02-04-ний өдрүүдэд Дундговь аймагт ажиллалаа.
Тус ажлын хэсэг орон нутгийн эрүүл мэндийн салбарын үйл ажиллагаатай болон Коронавируст халдварын нөхцөл байдал, авч хэрэгжүүлж буй хариу арга хэмжээтэй танилцаж зөвлөн туслах үйлчилгээг үзүүлсэн юм.
Мөн Дэрэн, Дэлгэрцогт суманд ажиллаж сумдын эрүүл мэндийн төвийн хүний нөөцийн хангалт, тусламж үйлчилгээ, лабораторийн үйл ажиллагаанд үнэлгээ дүгнэлт өгч мэргэжил арга зүйн дэмжлэг үзүүллээ.
