С.Буяннэмэхийн нэрэмжит Дундговь аймгийн Төв номын сан үүсч хөгжсөний 75 жил, Барнангийн Доржпаламын мэндэлсний 70 жилийн ойн хүрээнд Барнангийн Доржпаламын нэрэмжит "Дүүрэн билэг" яруу найргийн наадмыг энэ сарын 16-ны өдөр зохион байгууллаа.
Наадамд бүтээлээ урьдчилан ирүүлсэн яруу найрагчдаас 21 яруу найрагчийг шалгаруулан 3 үе шаттайгаар шүлгээ уншиж сонордуулан, шүүгчдийн саналаар Э.Гантулга тэргүүн байр, М.Уянсүх дэд байр, В.Нэргүй гутгаар байранд тус тус шалгарсан бол Д.Гэндэнхүү, Н.Болормаа нар 4, 5 дугаар байрыг эзэлсэн юм.
"Дүүрэн билэг" яруу найргийн наадмыг Б.Доржпалам агсны уугуул нутаг Говь-Угтаал сумын Засаг даргын Тамгын газар ивээн тэтгэсэн ба наадамд Б.Доржпалам агсны охин Д.Энх-Улирал болон найрагчийн төрсөн дүү Барнангийн Чимэдгүнсэн нар хүрэлцэн ирж оролцсон байна.
Мөн энэ үеэр Яруу найрагч О.Гончигсүрэнд Г.Сэр-Одын нэрэмжит шагнал гардуулсан бөгөөд яруу найрагч Ц.Хүүхэнхүүг Монголын зохиолчдын эвлэлийн гишүүнээр элсүүлэн үнэмлэхийг олгожээ.
