Төрийн албаны зөвлөлийн гишүүн бөгөөд ажлын хэсгийн ахлагч С.Цэдэндамба, аймгийн ЗДТГ-ын дарга Л.Доржбат, ахмадын төлөөлөл н.Халтар /аймгийн ЗДТГ-ын ахмадын зөвлөлийн дарга/, н.Сугир /аймгийн АХ-ны дарга/, С.Пүрэвсүрэн /Говийн амьдрал сонины эрхлэгч/, Ч.Баяраа /Нийгмийн даатгалын хэлтсийн ахмад настан/ нарыг хүлээн авч уулзан, орон нутагт зарлагдсан шалгалтад бүртгүүлэхгүй, тэнцэхгүй байгаагаас шалтгаалан боловсон хүчний нөөц дутмаг байгааг дурьдаад төрийн албаны залгамж халааг хэрхэн бэлтгэх, залуу хойч үеийг төрийн албанд ажиллах хүсэл эрмэлзлэлийг хэрхэн бий болгох талаар санал солилцлоо.
Төрийн албаны хүний нөөцийг тасралтгүй бэлтгэх, төрийн байгууллагад ажиллахын давуу талыг залуу хойч үед ойлгуулан таниулах, мэдээллээр хангах, санал зөвлөмж өгөхөд онцгойлон анхаарч энэ чиглэлээр ахмад настнуудын зөвлөгөө, зөвлөмжийг авч, үр дүнтэй арга хэмжээ явуулахад аймгийн ЗДТГ-аас анхаарч ажиллах чиглэл өглөө.
Төрийн албан хаагчдын залгамж халааг бэлтгэх, төлөвшсөн, ёс зүйтэй, бэлтгэгдсэн хүнийг төрийн албанд томилох, сөрөг хүчний ан цав үүсгэхгүй төрийн албанд хүлээсэн үүргээ биелүүлж, шаардлага, хариуцлага өндөртэй байхад анхаарах нь зүйтэй гэдгийг ахмадын төлөөллүүд Төрийн албаны зөвлөлийн гишүүнд зөвлөлөө.
