Энэ оны 11-р сард орон даяар зохион байгуулах аж ахуйн нэгж байгууллагын тооллогын аймаг, сумдын комиссын гишүүдэд танхим болон цахимаар хурал зохион байгуулж, тооллогын зорилго, ач холбогдол, зохион байгуулалт, комиссын гишүүдийн эрх үүрэг, хариуцлагын талаар мэдээлэл өглөө. Хуралд оролцсон аймаг, сумдын тооллогын комиссын нийт 170 орчим гишүүдийн 90 хувь нь цахимаар оролцсон байна.
Тус хурлыг аймгийнТооллогын комиссын дарга, аймгийн Засаг даргын орлогч М.Анхбаяр удирдан, тооллогын комиссын гишүүдийг хариуцсан сум, орон нутагтаа тооллогын ажлыг чанартай зохион байгуулах, аж ахуйн нэгж байгууллага, хувиараа хөдөлмөр эрхлэгчдийг идэвхтэй, бүрэн хамруулах ажлыг хугацаанд нь хийж гүйцэтгэхийг үүрэг болгосон юм.
