Хүний эрхийн Үндэсний комиссын гишүүн Д.Сүнжид, Гомдол, хяналт шалгалтын хэлтсийн референт Б.Мөнх-Эрдэнэ нар арваннэгдүгээр сарын 12-ны өдөр Дундговь аймагт ажиллалаа.

Энэ үеэр Жендэрийн эрх тэгш байдлыг хангах тухай хуулийн хэрэгжилтийн нөхцөл байдалтай газар дээр нь танилцаж, төрийн албаны үйлчилгээ, хөдөлмөрийн харилцаанд жендэрийн тэгш бус байдал, ялгаварлан гадуурхалт, ажлын байран дахь бэлгийн дарамт зэрэг хүний эрхийн зөрчил гарахаас урьдчилан сэргийлэх зорилгоор хяналт, шалгалт хийсэн байна. Хяналт, шалгалтад аймгийн Иргэдийн төлөөлөгчдийн хурал, Засаг даргын Тамгын газрыг хамруулжээ.