Орон нутгийн хөгжлийн сангийн 2021 оны хөрөнгө оруулалтаар хог тээврийн зориулалттай дөрвөн автомашиныг шийдвэрлэж, өнөөдөр аймгийн Засаг даргын орлогч М.Анхбаяр, Сайнцагаан сумын Засаг дарга С.Бат-Оргил нар Хот тохижуулах газарт хүлээлгэн өглөө.

Эдгээр машинууд нь тус бүр 10 тоннын даацтай бөгөөд хогийн сав /пошик/ өргөгчтэй тул гар ажиллагаа хөнгөвчлөх, цаг хугацаа хэмнэж, иргэдэд чирэгдэл багатайгаар, түргэн шуурхай үйлчлэх боломжийг бүрдүүлж байгаа юм. Мөн энэ оны есдүгээр сараас Хот тохижуулах газрын үйл ажиллагааг эрчимжүүлэх зорилгоор хүний нөөцийг 13 хүний орон тоогоор нэмэгдүүлсэн байна.

Түүнчлэн 2021 оны орон нутгийн хөгжлийн сангийн хөрөнгөөр Хот тохижуулах газрын хог цэвэрлэгээ, тээврийн болон бусад хэрэгцээнд 570 сая төгрөгийн өртөг бүхий 8 автомашин нийлүүлэхээр шийдвэрлэсэн аж.