Өнгөрсөн 3 дугаар сараас эхлэн олон давтамжтайгаар Дундговь аймгийн нутаг дэвсгэрийг хамарсан хүчтэй шороон шуурганы улмаас үүссэн бэлчээрийн доройтлын үнэлгээг хийлгэхээр хүсэлт хүргүүлсний дагуу Нэгдсэн Үндэсний байгууллагын Хөдөө аж ахуйн байгууллагын санхүүжилтээр Хөдөө аж ахуйн их сургууль, Ус цаг уур орчны шинжилгээний хүрээлэн, мал аж ахуй эрдэм шинжилгээний хүрээлэнгийн эрдэмтдийн баг орон нутагт ажилласны үр дүнгийн хэлэлцүүлгийг зохион байгууллаа.
Тус арга хэмжээнд НҮБ-ын ХХААБ-ын Монгол дахь суурин төлөөлөгч Винод Ахужа, Хүнс хөдөө аж ахуй хөнгөн үйлдвэрийн яамны газрын дарга Д.Батмөнх, аймгийн Засаг дарга Ц.Мөнхбат, Хүнс хөдөө аж ахуйн газар болон холбогдох байгууллагын төлөөллүүд оролцсон юм.
Дундговь аймагт хийгдсэн судалгааны ажлын хамрах хүрээ нь хүлэмжийн хийн ялгарал багатай тэжээл үйлдвэрлэлийн шийдэл, бэлчээрийн ургамлын шимт чанар, усан хангамж түүний нөөцийн хүрэлцээ, хөрсний чанар ба тархалт, бэлчээрийн төлөв, менежмент, уур амьсгалын өөрчлөлтийн тооцоолол зэрэг сэдвийн хүрээнд хийгдсэн байна.
