Өнөөдөр аймгийн иргэдийн Төлөөлөгчдийн Хурлын 7-р хуралдаанаар аймгийн 2022 оны төсвийн төслийг танилцуулж, төлөөлөгчдийн саналаар баталлаа.

Монгол улсын засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулга 2022 оны нэгдүгээр сарын 1-ний өдрөөс эхлэн хэрэгжихтэй холбогдуулан 2022 оны төсөвт төсвийн тухай хууль бусад хууль, тогтоомжид орсон өөрчлөлтүүдийг төдийгүй төсвийн хэмнэлтийн бодлого, төсвийн шинэчлэлийн бодлогыг мөн тусгажээ.

Ирэх оны төсөвт сумдын татварын орлого, хөрөнгө оруулалтын зардлыг өмнөх оныхоос нэмэгдүүлсэн байна. Түүнчлэн төрийн байгууллагын туслах үйл ажиллагааг хувийн хэвшлээр гүйцэтгүүлэхээр төрийн албаны бүтцэд өөрчлөлт орж байгаа нь онцлог юм.