Канад улсын MERIT төслөөс Хүний нөөцийн манлайлагчдын анхдугаар чуулга уулзалтыг өнөөдөр Дундговь аймагт зохион байгуулж байна. Чуулга уулзалтаар Дундговь, Дорнод, Сүхбаатар, Төв аймгууд ур чадварт суурилсан хүний нөөцийн тогтолцоог нэвтрүүлэх чиглэлээр тус төсөлтэй хамтран хэрэгжүүлсэн үйл ажиллагааны талаар харилцан туршлага судалж, санал солилцох бөгөөд Монгол улсын Төрийн албаны зөвлөл, Засгийн газрын Хэрэг эрхлэх газраас Төрийн албаны тухай хууль, тогтоомжийн хэрэгжилтийг хангахад заавар, зөвлөмж өгөх юм.
Чуулга уулзалтад Төрийн албаны зөвлөл, Засгийн газрын хэрэг эрхлэх газар, Дундговь, Дорнод, Сүхбаатар, Төв аймгийн засаг даргын Тамгын газрын дарга, Төрийн албаны салбар зөвлөлийн Нарийн бичгийн дарга, хүний нөөцийн мэргэжилтнүүд оролцож байна.
