Бизнес эрхлэгчдийг дэмжих жилийн хүрээнд НҮБ-ийн Хөдөө аж ахуйг хөгжүүлэх олон улсын сангийн Зах зээл ба бэлчээрийн удирдлагын хөгжил төсөл, Орон нутгийн хөгжлийн сангийн хамтарсан санхүүжилтээр Дундговь аймгийн Сайнцагаан суманд “Борлуулалтын цэг”-ийг барьж, ашиглалтад орууллаа. Борлуултын цэг бий болсноор Дундговь аймгийн жижиг, дунд бизнес эрхлэгчдийн бүтээгдэхүүнийг борлуулах, нутгийн брэнд бүтээгдэхүүнийг худалдаалах, цаашдаа “Дундговьд үйлдвэрлэв” төв болон өргөжих боломж бүрдэж байгаа юм.
Тус төв нь 381 сая төгрөгийн төсөвт өртөгтэй бөгөөд барилгын ажлыг “Экстракт” ХХК барьж гүйцэтгэжээ.
