Монгол улсын Үндсэн хууль батлагдсаны 30 жилийн ойн хүрээнд хуулийн мэдлэгийг нэмэгдүүлэх, үзэл баримтлал, ач холбогдлыг сурталчлан таниулах зорилгоор аймгийн иргэдийн Төлөөлөгчдийн Хурлын ажлын алба, Засаг даргын Тамгын газар, С.Буяннэмэхийн нэрэмжит Төв номын сан, Хүний эрхийн Үндэсний комисс хамтран өнөөдөр Засаг даргын эрхлэх асуудлын хүрээний хэлтэс, агентлагуудын албан хаагчдын дунд “Дэвжээ” танин мэдэхүйн тэмцээнийг зохион байгууллаа.
Тус тэмцээнд дөрвөн баг оролцож, багийн мэндчилгээ, гэрийн даалгавруудыг гүйцэтгэн, танин мэдэхүйн болон Үндсэн хуулийн холбогдолтой асуулт зэрэг 5 төрлөөр өрсөлдсөн юм. Тэмцээний тэргүүн байранд аймгийн Засаг даргын Тамгын газрын Төрийн захиргааны удирдлагын хэлтэс, Хяналт шинжилгээ үнэлгээ, дотоод аудитын хэлтэс, Мэргэжлийн хяналтын газар, Гэр бүл, хүүхэд, залуучуудын хөгжлийн газар, Хөдөлмөр, халамжийн үйлчилгээний газар, Нийгмийн даатгалын хэлтсийн мэргэжилтнүүдээс бүрдсэн баг, дэд байранд Хууль, эрх зүйн хэлтэс, Онцгой байдлын газар, Улсын бүртгэлийн хэлтэс, Цагдаагийн газар, Шүүхийн шинжилгээний алба, Шүүхийн шийдвэр гүйцэтгэх газрын албан хаагчдаас бүрдсэн баг тус тус шалгарчээ.
