Монгол Улсын шинэ Үндсэн хууль батлагдсаны 30 жилийн ойг тохиолдуулан энэ сарын 15-ны өдөр Дундговь аймгаас сонгогдон Үндсэн хуулийг хэлэлцэн батлах үйл хэрэгт оролцсон депутатуудтай уулзалт зохион байгуулж, аймаг орон нутгийн удирдлагуудаас хүндэтгэл үзүүллээ.

Одоогоос 30 жилийн өмнө буюу 1992 оны Нэгдүгээр сарын 13-ны өдөр Ардын их хурлын 430 депутат шинэ Үндсэн хуулийг баталж байжээ. Тус үйл хэрэгт ард иргэдийнхээ төлөөлөл болон Дундговь аймгаас Б.Батмөнх, С.Энх-Амгалан, Г.Сампилноров, Ж.Адъяа, Д.Адъяа, С.Батмөнх, Ж.Хүүхэнбаатар, Г.Бөхчулуун, Ж.Тувааннайдан, З.Жанжаадорж, Т.Жагай, Ц.Бямба-Очир, Т.Тогоо, М.Моёор, Н.Шуураа, С.Халзанхүү, Д.Цэдэнбал нарын 17 депутат оролцон хувь нэмрээ оруулж байсан аж.

Мөн 2021 онд Дундговь аймгаас Монгол улсын Төрийн соёрхолт, Ардын жүжигчин, гавьяат цолтон нийт 45 төрж, нутаг орныхоо нэрийг дуурсгасан бөгөөд алдартан гавьяатууддаа аймгийн удирдлагуудын зүгээс хүндэтгэл үзүүлсэн байна.