Сайнцагаан сумын 9-р багийн иргэн Ц.Баатар гэр бүлээрээ өрхийн үйлдвэрлэл эрхэлдэг бөгөөд аймгийн удирдлагуудад хүсэлт гаргасны дагуу энэ сарын 22-ны өдөр аймгийн Засаг дарга Ц.Мөнхбат, Засаг даргын Тамгын газрын дарга Л.Доржбат нар үйл ажиллагаатай нь танилцлаа.
Ц.Баатар гуай зах зээлд үнэгүйдээд байгаа малын түүхий эд болох арьс, ширийг гар аргаар боловсруулж, үхрийн ширээр хазаар ногт, сур, шонгийн хэц, зэл зэргийг хийдэг байна. Түүнчлэн түүний эхнэр Б.Бадамсүрэн нь бүх төрлийн үстэй, үсгүй дээл, малгай, хүрэм, хантааз, гэрийн хошлон зэрэг олон төрлийн бүтээгдэхүүнийг өрхийн үйлдвэрлэлээр бэлтгэн гаргадаг байна. Захиалга өгөх утас: 99875011, 99843210
