Өнөөдөр аймгийн Засаг дарга Засаг даргын эрхлэх асуудлын хүрээний хэлтэс, агентлагийн дарга нартай 2022 онд хамтран ажиллах гэрээ байгууллаа.
Энэ үеэр аймгийн Засаг дарга Ц.Мөнхбат 2022 оныг Дундговь аймгийн иргэд, гэр бүл, өсвөр үе, хүүхэд залуучуудыг хөгжүүлэх, тэдгээрийн идэвх санаачилгыг дэмжих, хүний нөөцийн чадавхыг бэхжүүлэх, сурч боловсрох, хөгжин дэвших боломж нөхцөлийг бүрдүүлэх зорилгоор “Хүний хөгжлийг дэмжих жил” болгон зарласан тул жилийн ажлын хүрээнд хамтран ажиллахыг уриалсан юм. Мөн Монгол улсын Засгийн газар болон аймгийн Засаг даргын Тамгын газраас чиглэл болгосон ажлуудыг үр дүнтэй зохион байгуулах, аймгийн түүхт 80 жилийн хүрээнд орон нутгийн хөгжлийн төлөө санаачилгатай, бүтээлчээр хамтран ажиллана гэдэгт итгэж буйгаа илэрхийлэв.
