Өнөөдөр аймгийн Засаг даргын зөвлөлийн дөрөвдүгээр хурал 12 гишүүний ирцтэй танхимаар хуралдлаа. Хурлаар 5 асуудал хэлэлцэв.

Энэ сарын 8-ны өдөр Олон улсын эмэгтэйчүүдийн эрхийг хамгаалах өдөрт зориулан “Эерэг өөрчлөлт – Эмэгтэйчүүдийн оролцоо” уулзалт, хэлэлцүүлгийг зохион байгуулахаар болсон бөгөөд өнөөдрийн хурлаар холбогдох зардлыг шийдвэрлэжээ.

Мөн аймаг дахь Үндэсний аюулгүй байдлыг хангах тусгайлсан чиг үүрэгтэй байгууллагуудын дунд аймгийн Засаг даргын нэрэмжит тэргүүний дүрэмч, жагсаалч, бүтээлч хамт олон, цэргийн алба хаагчийг шалгаруулах үйл ажиллагааг зохион байгуулахаар шийдвэрлэсэн байна.

Аймгийн Засаг даргын Тамгын газраас хоёрдугаар сард 15 суманд хяналт шинжилгээ, үнэлгээ хийсэн дүнг танилцуулсан бөгөөд тус ажлын хүрээнд сайжруулах шаардлагатай заалтуудын талаар зөвлөмж гарган танилцууллаа.