Аймгийн Засаг дарга Ц.Мөнхбат Сүхбаатар аймагт зохион байгуулагдаж буй зүүн бүсийн эрдэс баялаг уул уурхайн салбарын зөвлөгөөнд "Ил тод хариуцлагатай уул уурхайг төлөвшүүлэхэд тулгарч буй асуудал, цаашдын зорилт, гарц шийдэл" сэдвээр илтгэл тавьлаа.
Тэрээр Дундговь аймагт үйл ажиллагаа явуулж буй уул уурхайн компаниуд болон орон нутаг хоорондын хамтын ажиллагааг сайжруулж, орон нутагт үр ашгаа өгсөн хариуцлагатай уул уурхайг төлөвшүүлэх шаардлагатай байгааг онцлоод цаашид ашигт малтмал тээвэрлэлтийн дэд бүтцэд онцгой анхаарах, орон нутагт үйл ажиллагаа явуулж буй аж ахуйн нэгжүүдийг орон нутгийн татварын албанд бүртгэлтэй болгох, олборлох үйлдвэрлэлийн ил тод байдлын санаачлагын санд аж ахуйн нэгжүүд нэг бүрчлэн, үнэн зөв мэдээллийг тайлагнах, аж ахуйн нэгжүүд байгаль орчны менежментийн төлөвлөгөөг бүрэн хэрэгжүүлж, нөхөн сэргээсэн талбайг орон нутагт акт үйлдэн хүлээлгэн өгч хэвшүүлэх асуудлыг шийдвэрлэх шаардлагатай байгааг онцолсон юм.
